Davao de Oro – Patay nang nakit-an ang usa ka minero sulod sa tunnel alas 5:00 sa buntag sa Purok 4, Brgy. New Barili, Maco Davao de Oro.
Ang namatay giila nga si Randy Cacpal, 42 anyos, minyo, minero, residente sa nahisgutang lugar.
Sumala sa report sa Maco Municipal Police Station, nakadawat og tawag ang kapolisan gikan sa asawa sa minero nga si Jenefer Villarva, 42 anyos, human wala makauli ang iyang bana hinungdang gipangita sa mga kabanay ug kapolisan ug didto nakit-an sulod sa tunnel nga wa nay kinabuhi.
Gi-imbestigahan karon sa kapolisan aron sayron kung duna bay foul play sa kamatayon sa biktima.
RadyoMaN Jules Catisay
Facebook Comments
