Davao City – Kinahanglang mas hugot nga matuman ang minimum health protocols gumikan na-detect na ang mas paspas nga makatakod nga new COVID-19 variant dinhi sa nasud.
Sa interbyu sa RMN Davao kang Southern Philippines Medical Center (SPMC) officer-in-charge Ricardo Audan, nangandam na usab ang ospital sa posibleng mas daghan pang mga pasyente.
“Since wala pa man tay vaccine, same protocols that we encourage to everyone nga maghigpit ta sa social distancing, face shield, facemask… It’s the same virus, ang kalainan paspas mu-transmit,” segun niini.
Sumala ni Audan, gihulat karon sa SPMC ang resulta sa mga gipadalang samples sa kauluhang Manila aron ma-detect kung positibo sad ba kini sa new variant sa COVID-19.
Gibutyag ni Audan, sa pinakaulahing datos subling fully occupied o 100% na ang occupancy rate sa ICU sa SPMC para sa mga critical ug severe cases sa COVID-19, samtang 88% usab nga occupied na ang COVID-19 ward.
Gina-screen usab ang mga pasyente kung kinsa lang ang ma-admit sa SPMC tungod sa maong challenge sa kadaghan sa kaso.
RadyoMaN Aimee Guinita
