TACLOBAN CITY – Gindumara na an Public Hearing ha plano nga pagpahataas han Minimum Wage ha Eastern Visayas nga gin-atendiran han mga stakeholders, employers ngan labor sector ha syudad han Tacloban.
Matapos an gindumara nga public consultation ha Borongan Eastern Samar, Catarman Northern sSamar, Catbalogan Samar, Maasin ha Southern Leyte ngan Ormoc City in nagresulta hin tagsa-tagsa nga average suggested Minimum Wage.
P429.77 ha Borongan, P457.64 ha Catarman, P377.59 ha Catbalogan City, P240.96 ha Maasin City ngan P559.77 ha Ormoc City nga may overall average nga P375.04.
Pero sumala kan DTI Regional Director Cynthia Nierras, Vice-Chairperson han Regional Tripartite Wages and Productivity Board nga matapos an public hearing in pag-iistudyahan han mga myembro RTWPB board an mga inputs nga nakuha tikang ha mga employers ngan mga empleyado agud makagdesisyon na kun pira an idudugang ha minimum wage.
Panuyan han RTWPB, an win-win situation pareho ha employers ngan mga magtatrabaho mahitungod han kadamo gihapon nga mga factors nga kailangan i-konsidera sugad han panginahanglan han mga trabahante ngan kun kaya ba ini han mga employers.
Ginpapaniguruhan yana han RTWPB nga mapadali an pag desisyon kun pira an idudugang ha minimum wage pero ira gin suguro nga an pag-increase in makakabulig ha mga minimum wage earners ha Rehiyon.
