Human sa lapad nga landslide sa Sitio Sindulan Brgy. Tinaan Naga City Cebu, gimando karon ni Gobernador Hilario Davide III, ang pagpahunong sa tanang mining ug quarry operations sa tibook lalawigan sa Sugbo.
Subay niini gimanduan usab ni Davide ang Provincial Environment and Natural Resources Office (PENRO) ang pag-inspeksiyon sa tanang site sa mining ug quarry operation nga nahatagan ug nila ug permit.
(Hulagway sa pagdahili sa bukid sa Sindulan Tinaan Naga)
Matud ni Davide sa ingun niining paagi mapugngan ang susamang trahedya nga nikalas og kapin sa 20 ka kinabuhi sa brgy. Tinaan Naga ug kapin pa sa 60 ang missing.
Gimando ni Gob. Hilario Davide III ang pagpahununong sa tanang matang sa mining ug quarry operation lukop lalawigan sa sa Sugbo, lakip na niadtong mga small-scale ug bisan ang mga sand and gravel operation.
Giklaro hinuon sa gobernador nga wala’y “hold” ang Kapitolyo sa operasyon sa cement company nga giingong maoy giingong responsable sa pagka-opaw sa bukid duol sa landslide site sa Naga, sanglit ang Department of Environment and Natural Resources (DENR) ang naghatag kanila ug pagtugot.
Wala timeline nga gihatag ang opisyal kon hangtud kanus-a ipatuman ang maong suspensiyon.
