General Santos City—Sikop sa gihimong buybust -operation sa Police Station 3 inabagan sa RID ug PDEA-12 ang usa ka minor de edad nga itago lang sa pangalang Alias Toto, 15 anyos nga residenti sa Barangay Lagao, Gensan, alas 8:00 pasado ang takna sa gabie sa may Zone 4, Barangay Lagao, Gensan.
Sa report sa Police Station 3, mikagat sa enyrapment operation ang suspek diin napalitan kini ug usa ka sachet sa gituohang shabu gamit ang P500.00 nga marked money.
Malampuson usab nga nakasibat ang igsuon sa suspek human nga nakamatikod sa presensya sa kapulisan.
Narekober sa posisyon sa dinakpan ang usa ka sachet sa gituohang shabu ingon man marked money nga P500.00.
Karong adlawa gikatakdang iturn-over sa buhatan sa DSWDO ang suspetsadong minor de edad.
