Minor de edad nga gina alegar nagpanakaw binaril, nanay nagreklamo sa Kalibo PNP

14

Kalibo, Aklan – Lastro sa li-og ag tama it pagbaril sa waea nga siki rong naangkon it sangka 13-anyos nga ungang eaeaki matapos nga mabarilan ko Dominggo it udtro adlaw sa Sta. Monica, Andagao, Kalibo.
Rong biktima nakilaea kay alyas “Ariel” ag residente man it nasambit nga lugar.
Sa pakikipag-angot it RMN DYKR sa biktima nga natabo rong insidente samtang imaw nagahampang hampang it bola sa luma nga baeay ni Doydoy Roldan tag umabot ro tatlo ka mga eaeaki ag imaw tinampaling, binaril sa siki ag ginhambaean nga paga patyon ag nagpanakaw.
Matapos imaw mabarilan hay nagtinguha lang man imaw nga makaabot sa hospital pinaagi sa sangka tricycle driver nga naghatod kana.
Pag-abot sa hospital ro anag sugid hay nanina it bote pero pagtan-aw it doktor nasayuran raya nga agi it pagbaril.
Samtang sa pakikipag-angot mat-a sa nanay it biktima nga uwa imaw nakasayod tag matabo raya ag bangud sa sugid ko anang unga nga nanina eamang raya it bote hay uwa eon imaw mag usisa pa.
Pero ko gabii anang napan-uhan nga ro anang unga hay nagatuwad sa eogban ag ginapuko ro anang dueonggan dahilan para nga magduda imaw nga bukon eamang it nanina it bote raya.
Pagka aga, nag-usisa imaw ag ana nasayuran rong natabo bangud nga nagsugid eon kana ro anang unga.
Pagkasyod ko nanay hay insigida raya nga nagpablotter sa Kalibo PNP kung sa siin rong gina turong responsable nga nagbaril sa unga hay si Norwell Sevilla, 39-anyos ag ro anang mga kaibahan nga sanday Jonathan Bagsic, 41-anyos ag Alexander Bales, 42-ayos mat a ro ginaturong nagsakit sa unga ag tanan residente it nasambit nga lugar.
Nasayuran nga mga naka inum rong suspek ag ro anang mga kaibahan tag matabo raya.
Sa makaron hay gina imbestigahan pa raya it WCPD kung Kalibo PNP ag posible magapangatubang it kasong pagbayolar sa RA 7610 rong mga suspek.
Ginpamalibaran man it pamilya Bales nga may natabong pagpamaril pero do resulta it pag examine kung medico legal nagahambae nga rong lastro it unga sa siki hay tama it pagbaril.

Facebook Comments