General Santos City–Pormal nang giturn-over sa DSWDO Bahay Pag-Asa ang menor de edad nga suspek nga si alyas Bunsoy usa ka out of school youth nga nanimuyo sa Inter Vesta, Brgy.Sinawal Gensan kansa una nang nasikop sa otoridad human napalitan ug droga sa gipahigayong buy-bust operation.
Kahibaloan nga alas 9:12 sa gabie niadtong milabay nga adlaw gipahigayonan ug buy bust operation ang nasampit sa hiniusang pwersa sa Station Drug Enforcement team sa Police Station 3 ug ang koordinasyon sa PDEA 12 sa Brgy.Lagao apan nausab ang lugar sa transaksyon sa marcos apopong hi-way duol lamang sa usa ka pension house nga miresulta sa pagkasikop sa menor de edad.
Human nga napalitan ug usa ka sachet sa gituohang shabu sa poseur buyer nga sakop sa operative team gamit ang 500 pesos nga buy-bust money ug nakuha usab sa posisyon sa suspek ang lain pang usa ka 500 pesos nga marked money.
Giandam na sa kapulisan ang kasong atubangon sa dinakpan sa kalapasan sa Sec.5 Art.II sa RA 9165 kon comprehensive of dangerous drugs act of 2002.(Reynald Timario)
