General Santos City–Pormal nang gipasakaan ug kaso sa Polomolok PNP ang usa ka minor de edad nga lalaking tawgon lamang sa pangalang alyas Boboy 16 anyos, nanimuyo sa Brgy. Palkan, Polomolok, South Cotabato sa kalapasan sa RA 10591 kon illegal possession of firearms kansa nasikop sa kapulisan ug nakuhaaan ug usa ka M16 short firearms homemade kagabie pasado alas 8:00 sa nasampit nga Barangay.
Kini ang gikumpirma ni Police Lieutenant Colonel Marvin Duadua ang hepe sa Polomolok PNP human nahinabisa rmn news team
Sumala pa ni Duadua nga una nang nagtawag sa ilang opisina ang nagpakabana nga residente sa maong Barangay nga dunay menor de edad nga naghupot ug armas gilayon nilang girespondehan ang maong sumbong ug pag abot niini sa lugar girekisa ang bata ug nasutang duna gayuy dalang armas.
Kalabot sa maong balita gilayong gisikop sa awtoridad ang maong batan-on ug gidala sa buhatan sa Polomolok, Police Station.
Sa karon ginasuta pa sa kapulisan ang motibo sa minor de edad sa pagdala-dala ug armas.
Sa karon nagpabiling anaa sa kustudiya na sa Municipal Social Welfare and development Office-Polomolok ang dinakpang minor de edad. Nagmahay man usab ang nasampit apan uwahi na ang tanan tungod siya naaktuhang nagbitbit ug armas.(Reynald Timario)
