Davao del Sur – Nagpatabang sa kapulisan ang inahan ug anak niining dalagita human mabiktima sa pagpanglugos sa iya mismong boyfriend niadtong Disyembre 9, 2017.
Sa blotter sa Padada PNP, ang biktima nga si alyas ‘Gina’, 15 anyos, estudyante nagpuyo sa Padada Davao del Sur mikumpisal sa iyang inahan nga gilugos kini sa iyang uyab nga mao si Alyas Toto, 20 anyos, usa usab ka estudyante.
Gibutyag sa biktima nga nahitabo ang pagpanglugos sulod mismo sa boarding house sa suspetsado pasado alas 7:00 sa kagabhion.
Migawas sa Medical Certificate nga dunay gisi sa kinatawo sa biktima diin porma og 7 o’clock timaan nga dunay gahing butang nga misulod sa pwerta sa menor de edad.
Kapulisan sa Padada PNP, mihimo na og hot pursuit operation aron sikopon ang uyab sa biktima.
RadyoMaN Erin Lumosbog
