BACOLOD CITY – Nadakpan kaina sang aga ang isa ka menor de edad nga suspek sa paghimulos sang isa ka 6 anyos nga bata nga babayi pila ka bulan matapos niya nga nahimo ang amo nga krimen.
Ang suspek nadakpan sang mga katapo sang Police Station 7 pinaagi sa warrant of arrest angut sa ginaalegar paghimulos sang suspek sa biktima sang ini ang naga-edad pa lamang sang 16 anyos.
Suno sa imbestigasyon, ang suspek ang apo sang amay sang bata nga biktima kag ini siya ang ginasulu-saligan sang pamilya kag dira man gani naga-istar sa ila balay sa isa ka barangay diri sa ciudad.
Ginpahayag nga nagpalagyo ang suspek matapos nga natukiban sang pamilya sang biktima ang iya nahimo.
Bangud sini, ginpursigi sang amay sang biktima ang pagpasaka sang kaso batuk sa iya apo tubtub nga ini ang nadagdagan sang warrant of arrest.
Sa karon ang suspek ang ginturn-over na sa Social Development Center kasunod nga ini ang isa pa ka minor./dyHB BACOLOD
