HIMAMAYLAN CITY, NEGROS OCCIDENTAL – Patay matapos nga ginkastigo kag ginlampusan ang isa ka lalaki kagab-i sa ciudad sang Himamaylan.
Ginkilala ang biktima nga si Miguel Osorio, 44 anyos ang edad, single kag pumuluyo sang Brgy. Karabalan, Himamaylan City.
Suno sa utod sang biktima nga si Mary Jane larasan, may mga las 9 kagab-i nagalakat ang iya utod sa dalan sa ila man lamang lugar sang ini ang ginbanggaan sang duha ka mga suspek.
Gin-ako sang utod nga hubog ang biktima kag wala siya nakahibalo sang motibo kon ngaa ginbanggaan si Osorio kag hinali na lamang nga ginlampusan kag naigo sa iya ulo.
Gindala pa sa Corazon Locsin Montelibano Memorial Regional Hospital ang biktima apang ini ang gin-declare dead on arrival may mg alas 12:55 kaina sang kaagahon sang attending physician nga si Dr. Kristine Paciente./dyHB BACOLOD
