Davao City – Ipatuman sa Police Regional Office XI ang maximum tolerance ngadto sa mga progresibong pundok nga mukasa’g lihok protesta atol sa State of the Nation Address ni Presidente Rodrigo Duterte karong Hulyo 23, 2018.
Sa interbyu sa DXDC RMN Davao kang PRO XI Regional Director PCSupt Manuel Gaerlan gimanduan niini ang iyang mga kapulisan nga i-monitor ang mga kabataan ug mga indigenous people partikular na ang mga Lumads kinsa ginadala sa Manila nga dili subay sa ilang mga kabubut-on.
“Kasi ang mga lumads sila iyong ginagamit ng mga propagandists ng CPP NPA, itina-travel nila including itong mga minors at iyan ang isa sa mga binabantayan natin dahil the past years ay tina-transport nila forcibly at walang consent galing sa magulang,” matud ni Gaerlan.
Preparado na usab ang PNP diha sa ilang ipatumang hugot nga seguridad aron magpabiling luwas ug malinawon ang Davao Region atol sa ika 3rd SONA sa pangulo.
RadyoMaN Aimee Guinita
