Davao City – Dakpan sa Sta. Ana PNP ang duha ka mga minor de edad sa gihimo niini nga pag pangawat sa usa ka dalaga.
Sumala sa blotter sa Sta. Ana PNP nga personal nga mipatala sa ilang buhatan ang usa ka Kimberly Sison, residente sa Brgy. 32-D Mabini Blvd., gumikan kalit gilabni dayon sibat sa duha ka mga minor de edad nga bata ang iyang iPhone 6 plus nga mokantidad og dol-an P30,000.00 human naglisod siya’g bitbit sa dala’ng tray sulod sa iladong kan-anan sa maong lugar.
Sa pasubay sa mga kapolisan kagahapong adlawa sa maong lugar, gilusad ang manhunt operation batok ngadto sa mga suspek ug malaposong nadakpan sila si alyas Tam-Tam ug alyas Fitang nga residente sa Brgy. 23 -C Piapi Blvd. ning syudad.
Narekober gikan sa mga snatcher ang cellphone sa biktima ug kasamtangan sila nga gikustodiya sa Women and Children’s Protection Desk sa Sta. Ana PNP.
RadyoMaN Paul Canono
