Davao City – Sugdan na karong Biyernes (October 29, 2021) ang pagbakuna sa 12-17 anyos with comorbidities nga himuon sa mga identified hospitals sa Davao Region.
Sa advisory sa Department of Health (DOH)-XI, sa Davao City, ang pagbakuna sa Pediatric A3 group himuon sa Southern Philippines Medical Center (SPMC), Metro Davao Medical and Research Center, ug Seamen’s Hospital sa R. Castillo.
Samtang gawas sa dakbayan, himuon ang vaccine rollout sa Davao del Sur Provincial Hospital, Davao Regional Medical Center, Davao De Oro Provincial Hospital, ug Davao Oriental Provincial Medical Center.
Sumala ni Dr. Anabelle Yumang, DOH-XI Regional Director, nga mawala na ang kabalaka sa mga ginikanan karon nga mahilakip na ang minors sa vaccine rollout diin ang nahisgutan risgo usab sa makatakod nga balatian nga COVID-19.
“Parents worry less when their kids are vaccinated. We now include the pediatric population in the vaccination campaign because some of them are still at risk of COVID-19 complications. We hope to see parents and kids in vaccination sites,” sulti ni Yumang.
Kinahanglan lamang nga magpa-schedule ang ginikanan sa pagpabakuna sa ilang anak ug kung confirmed na ang schedule, dalaon lamang ang mga rekisitos sa adlaw sa pagpabakuna nga mao ang medical certificate sa bata, valid ID apil na sa parent/guardian, ug proof of affiliation sama sa birth certificate.
Samtang, Moderna ug Pfizer usab ang mga vaccine brands nga adunay Emergency Use Authorization (EUA) alang sa A3 pediatric population o ang 12-17 anyos nga adunay balatian ug risgo sa severe COVID-19.
RadyoMaN Kirby Manzon
