Davao City – Gitakdang magbaton na usab og pagbakuna sa mga City Health Office (CHO)-managed nga vaccination hubs sa syudad sa Davao alang sa mga 12-17 anyos with comorbidities o kadtong adunay balatian.
Sumala ni Dr. Michelle Schlosser Spokesperson sa Davao City COVID-19 Task Force (sa interbyu sa city-owned radio), adunay mga kwalipikadong minors nga dili makaadto og hospital o kaha mahadlok muadto sa pasilidad, rason nga ipakanaug ang pagbakuna sa vaccination hubs.
Gibutyag ni Schlosser, planong ipahigayon sa Lunes (November 8, 2021) ang minors’ vaccination diin aduna na lamay ginapinalisar nga guidelines alang niini.
“At the moment, ang atoang tentative date para i-cater nato ang mga pediatric with comorbidities will be on November 8. Hulat lang pud ‘ta sa mga announcement here sa atong radio program as well as sa Facebook page sa City Government of Davao kay para matagaan sila og schedule,” saysay ni Schlosser.
Matud sa health official, abli na usab ang DQR registration sa pediatric A3 (12-17 years old with comorbidities) diin rekisitos ang student ID ug birth certificate sa pagparehistro.
Sa kasamtangan, nagpadayon ang vaccination rollout sa pediatric A3 sa Southern Philippines Medical Center (SPMC) ug pipila pa ka mga pribadong hospital sa dakbayan.
RadyoMaN Kirby Manzon
