General Santos City—hingpit nang napasakaan ug kaso ang suspek nga mipatay sa tricycle driver sa area of responsibility sa Police Station 1.
Kung kahinumduman nga una nang gipusil patay ang biktimang si Ricardo Alejandrino, 38, minyo, ug residenti sa Barangay Mabuhay niadtong Hulyo 26, 2017 sulod sa usa ka kan-anan nga nahimutang sa Balagtas Street, Barangay North Gensan.
nasayran nga samtang nagkaon ang nahisgutan, kalit lang misulod ang gunman dayon kini gipusil pila ka higayon nga hinungdan sa iyang kamatayon.
Sumala ni Police Inspector Reynaldo De Armas, deputy Station Commander sa Police Station 1 nga hingpit na nilang napasakaan ug kaso ang suspetsado apan nag dumili ang nahisgutan nga nganlan ang suspek gumikan nagpabiling atlarge ang nahisgutan.
Higayon nga mugawas na ang warrant of Arrest sa suspek, gilayon matud pa nila kining sikupon.
Dako usab ang pagpasalamat sa pamilya sa biktima ngadto sa kapulisan gumikan na usab sa paspas nga paghatag ug aksyon sa kaso sa biktima.
