General Santos City—Dako ang posibilidad nga usa ka dakong sindikato sa droga ang nagpaluyo sa pagbugha kang Po3 Joseph Pequirda nga nakabase sa City Mobile Force Company nga nakabasi sa Camp Firmin Lira, niadtong milabay nga gabie sa Barangay San Isidro ning syudad. Kini ang gibutyag ni Police Sr. Supt. Raul Supiter ang City Director sa General Santos City Police Office.
Sumala pa ni PS/Supt Supiter nga ayha matud pa nahitabo ang maong pag pamusil sunod-sunod nga operasyon ang gihimo sa operatiba ni Piquerda batok iligal nga droga kung diin aduna silay nadakpan nga magkauban sa grupo.
Dugang pa niini adunay katakus ang maong grupo nga mo-hire ug usa ka maayo nga gunman aron nga panimaslan ang mga pulis nga mibangga kanila.
Gikumperma hinuon sa opisyal nga nailhan na nila ang pipila ka mga suspek ug gani ila nang napasakaan ug kaso.
Nasayran ang ilhanan sa mga suspek sa mga testigong nakakita sa insidenti ingon man ang driver mismo sa motorsiklong gisakyan sa biktima.
Nakuhaan usab ug CCTV Footage ang mga nawong sa mga suspect sa mismong safe house nga giabangan sa biktima ug mga kakaubanan niini nga intel operatives human nga gicasing sa mga nasangpit ang biktima.
Sa kasamtangan gipaabot nalang sa kapulisan nga magpakanaug ug warrant of arrest ang korte aron nga masikop ang mga suspect. (Dave Silagan)
