Gikasubo ni Misamis Oriental, Gobernador Bambi Emano ang nahitabong engkwentro tali sa militar ug mga rebeldeng New People’s Army kon NPA kaganinang mga alas 6:30 sa buntag sa tunga-tonga sa bukid sa Sumagaya ug bukid sa Pamalihi, lungsod sa Claveria, Misamis Oriental.
Hinuon, gikalipay sa gobernador nga walay kinabuhi nga nakalas sa maong engkwentro, nga unta mahimo mang malikayan pinaagi sa malinawon nga panaghisgot sa mga bikil kon aduna man.
Alayon niini, nanawagan si Gobernador Bambi nga unta mabalik na sa lamisa ang negosasyong pang-kalinaw ang duha ka panig.
Kini aron hingpit nga makab-ot ang kalamboan sa kabukiran ug mga hilit nga lugar sa Misamis Oriental.
Gipasabot sa gobernador nga walay lugar ang kalamboan sa mga lugar nga dunay kagubot ilabina kon dunay hulga sa kinabuhi sa mga sibilyan.
