Misis, nadakpan ang mister kag kadidang sini nga nagcheck-in sa isa ka lodge!

1405

Roxas City, Capiz- Arestado ang 35-anyos nga mister matapos nga nadakpan sang legal wife nga nagcheck-in kaupod ang kadidang sini sa isa ka lodge sang Arnaldo Boulevard Roxas City. Nahibaluan nga nagpalipas gid sang gab-i ang misis nga ginhingadlan lamang kay “Nadine” agud nga pamatud-an ang impormasyon nga upod ang mister sini nga si “James” kag ang iya kadidang nga yara sa sulod sang lodge.
Wala naman nagsala ang misis sang pagkaaga sang nagguha ang mister rason nga ginsulong niya ini kag ginsumbag.
Bangud sa istorbo sa mga customers sang amo nga lodging house, nagpanawag sang responde sa mga kapulisan ang mga room boy.
Nahibaluan nga ulihi na sang nakit-an sang mga kapulisan ang babaye nga nagapanago malapit sa fire exit. Mas labi pa nga nakibot si “Nadine” sang nakumpirmar nga iya man lang gali kumare ang kabit sang iya bana.
Ini ang may yara man sang tatlo ka mga anak kag bulag na sa asawa.
Suno sa legal wife nga si “Nadine” madugay na nga ginakuno-kuno nga may yara sang likom nga relasyon ang duha apang nagakuha lamang ini sang husto nga tsansa agud nga pamatud-an.
Apisar nga sila ang may mga kabataan, disedido naman ang asawa nga bulagan ang iya maluibon nga bana.

Facebook Comments