Nadakpan sa akto sang mister ang misis sini nga nagahimo sang milagro upod sang iya nga kabit sa probinsya sang South Cotabato.
Base sa report, nangayo sang police assistance sa Polomolok MPS ang mister tungod sa pagluib sang iya nga misis, samtang nagatrabaho ini sa Davao City.
Gilayon naman nga nagrespondir ang kapolisan upod ang nagreklamo nga mister kag nadakpan sa akto ang 35-anyos nga misis kag kabit sini nga 33-anyos, may asawa nga hublas sa kwarto sang ila nga balay.
Apang sang nagapangita sang ID ang lalaki, matapos nga pangitaan sang mga otoridad, aksidente nga nahulog halin sa sling bag niya ang tatlo ka sachet sang ginapatihan shabu.
Kaso naman nga Adultery kag pagbayolar sa Sec. 11 sang RA 9165 ang atubangon sang mga ini.
Gilayon naman nga gindala ang duha sa police station para sa nagakaigo nga disposisyon.
