GENERAL SANTOS CITY- Patay ang usa ka misis nga nagpagwapa para unta sa date niini sa iyang mister sulod sa usa ka salon sa may Dacera Avenue, Barangay City Heights, human mibangga ang SUV ug nipasok sulod sa salon .
Biktima giilang si Fiesta Mae Cedeño, 30 anyos nasayran nga gihatod sa iyang mister ang biktima sa maong salon aron nga magpagwapa para sa ilang date dungan sa Valentines day kagahapon sa buntag alas 10:00 ang takna, apan gibangga ug napasok ang SUV sa maong salon.
Sa Initial Investigation sa Traffic Management Unit, nasayran nga naglawig ang SUV nga gimaneho sa usa ka 18 anyos nga estudyante nga si Alaica Grajan sa Dacera Avenue, dihang nawad-an matud pa kini ug control sa sakyanan.
Niabot sa pikas lane ang nasampit ug nabanggaan pa niini ang nakaparadang pick up truck duol sa salon. Nipasok usab kini sulod sa salon ug nabanggaan ang biktima. gilayon kining gidala sa ospital apan alas 5:00 ang takna sa hapon dihang gibawian kini ug kinabuhi.
Gidala usab sa ospital ang driver sa SUV tungod sa trauma. Sa karon nagpadayon pa ang gihimong imbistigasyon sa kapulisan kalabutan sa maong insidenti.
