General Santos City—Na operahan na ang samad pinusilan sa liog sa usa ka misis human nga gipusil sa mister kaniadtong milabayng semana sa may Purok Ondok Gawan Barangay San Jose General Santos.
Kahibaluan nga ang biktima ang giilang si Meriam Grana, 37 anyos, residente sa maong dapit.
Samtang gitun-an usab ang posibling pagpasaka og kaso sa batok sa misis human giluba usab ang mister , bag-o kini nagpusil usab sa kaugalingon ang mister nga visje, 39 anyos.
Kahinumduman nga niadtong huwebes sa gabie dihang miadto sa tindahan ni Meriam ang bana nga Visjem aron mangayo og ilimnong makahubog.
Apan wala matud pa mihatag ang misis ngadto sa iyahang bana kung asa didto na matud pa nagsugod ang ilahang panaglalis hangtod nga misangpot sa init nga komprontasyon nga nauli sa pagpangluba sa misis ngadto sa iyahang mister og pagpusil usab ni mister kang misis dayong nagpakamatay si mister.
Kahibaluan sa mga pamahayag sa pipila ka mga suod nga higala sa mga magtiayon nga pipila na ka bulan nga bugnaw ang tinagdanay sa magtiayon human masayri ni Misis nga adunay laing babaye ang mister.
Gikonsidera usab ni Police Senior Inspector Fernando Manuel ang hepe sa Fatima Police Station nga case solve na ang maong krimen. (Emir Bariquit)
