Davao City – Usaka misis gikatahong nibiya sa ilang panimalay human nga wala na kini bati-a ug lawasnong kalipay uban sa iyang mister.
Sumala sa biniyaang bana nga si alyas Jerry, 37 anyos, OFW ug nagpuyo sa Km. 10 Sasa ning siyudad nga nadiskubrehan na lang niini nga miipon na sa laing binuhat ang iyang asawa nga si Cristina.
Segun sa deklarasyon sa bana, siya nagtoo nga malagmit rason mao ang alegasyong kagamay sa iyang kinatawo base sa gi-post sa social media sa nikagiw nga babaye.
Mas misamot og kahugno ang kalibutan ni mister gumikan sa pagpalayas ug pag-abandona ni Cristina sa unom nila ka mga anak.
Midangop gilayon ang bana ngadto sa Sasa PNP aron ipatala ang gibuhat sa iyang kapuyo ug aron ihikutar na ang pagpasaka sa asunto nga adultery ug abandonment kontra sa nibiya nga kapikas.
RadyoMaN Joel Viray
