Roxas City, Capiz- Padayon nga missing tubtob sa subong nga mga tinion ang isa ka lalaki nga pila ka adlaw na nga nadula sa Brgy. Atiplo Mambusao, Capiz.
Base sa impormasyon, sang nakaligad nga adlaw sang Biernes ulihi nga nakit-an ang persona nga ginkilala kay Edwin Letran Lotilla, 33-anyos samtang ini ang naga-inom sa daan nga slaughter house nga nahamtang sa Lusabia Street, Brgy. Poblacion Tabuc, Mambusao, Capiz.
Kaupod sini sanday Jan Mark Digan alias “TURKO”, Danilo Calmerin alias “BUNOY” kag persona nga ginkilala kay “TOTI”.
Sang nakaligad nga Nobyembre 17, 2018 nagpadulong sa Mambusao PNP ang pakaisa sang biktima agud nga i-report ang pagkadula ni Edwin Letran Lotilla.
Base sa blotter report, alas 11 sang aga sang gin-updan ni Jan Mark Digan ang biktima agud nga idul-ong sa ila nga poluy-an apang ini ang wala makapauli tubtob sa subong nga mga tinion.
Sa mga nakakilala ukon nakakita kay mahimo lamang mag 09106022198.
