Davao City – Patay ng nakuha sa usa ka asawa ang iyang bana didto sa Samal kagahapong adlawa kinsa namissing niadtong Agosto 27 ning tuiga sa Talaingod, Davao del Norte.
Sa pakighinabi sa DXDC RMN Davao kang IGACOS officer-in-charge P/Supt. Giuffeppe Geralde, gikuha na ni Mrs. Federico ang iyang bana kinsa nakaplagan sa Ligid dagko Island, Babak, Samal ug matud pa wala nay tiil ug kamot nga giilang si Eduardo Federico, 42 anyos ug residente sa Brgy. Pag-asa Kapalong, Davao del Norte.
Apan dugang ni Geralde nga base sa pagbutyag sa asawa sa biktima gikan sa mga otoridad nga walay nahitabong foul play sa iyang bana diin una ng gikareport nga pugsanong mitabok ang biktima sa usa ka baha sa may Sition Napesolan, Talaingod sakay sa motorsiklo uban ang lain pang motorcycle driver diin sila naanod sa maong baha ug gireport nga missing.
Sa karon, ginasuta pa sa DXDC news team og nakit-an na pud ba ang usa sa mga missing nga giilang si Gabriel Lohit, 55 anyos ug residente usab sa Kapalong.
RadyoMaN Renz Barbarona
