New Washington, Aklan — Uwa eon it kabuhi tag makit-an ko anang tatay ro sangka eaeaki kaina it agahon sa District 5, Brgy. Pinamuk-an, New Washington, Aklan.
Ro biktima nakilea kay Joel Navarro, 32-anyos ag residente it nasambit nga lugar.
Sa pakikipag-angot it RMN DYKR Kalibo kay Kagawad Abelardo Relano nga unang nakit-an ko anang tatay rong biktima nga naga bitay sa baeayan ko anday baeay, dali-dali nana nga ginutod rong eobid para nga ipapanaog ro eawas ag gintunga pa nga ma revive pero mabakod eon raya.
Ginasugid ko mga kapamilya it biktima nga imaw ra hay gin aywanan ko anang asawa.
Ulihing uli it anang asaw hay isaeang adlaw kung sa siin ginbuoe eamang ko kwarta halin sa 4Ps ag pumanaw eon man.
Nasayuran nga rayang mag-asawa hay may unga nga sangka 6 nga dag-on.
Ulihi nga nakitang buhi si Joel kahapon tag raya hay nag-adto sa anang barkada ag nag inum-inum.
