General Santos City—Gunit pa karon sa 27th IB Philippine Army ang misurender nga spokesman og Deputy Secretary sa Far South Mindanao Region sa New People’s Army kon NPA nga si Ka Efren o Noel Legaspi sa tinuod nga kinabuhi.
Matud pa kang 27th IB spokesman 2nd Lt. Ranjan Palacio, gikumperma niini nga mupailawom pa si Ka Efren,sa interogasyon kung asa daghan kining mga gikumpisal ngadto sa military may kalabutan sa operasyon sa NPA sa Reheyon Dose og Davao del Sur.
Apan nagdumili una si Palacio nga kumpirmahon ang mga migulang balita sa Media nga si Ka Efren ang nagbulabog nga may duha ka mga opisyal og empleyado sa South Cotabato ang gahatag og suporta sa kalihukan sa NPA.
Gipamahayag na lamang niini nga sa pagkakaron busy pa si Ka Efren sa paghikutar sa iyahang mga kaso ngadto sa Korte una kini makadawat og hinabang pinansiyal gikan sa gobyerno. (Emir Bariquit)
