South Cotabato—himas Rehas na ang suspetsadong responsabli sa pagpanulis ug ice cream store sa Koronadal City niadtong nakalabayng adlaw.
Suspek giilang si Ronald Pascual Concepcion, kanhing preso sa Surallah Municipal Police Station kansa may kasong robbery ug iligal nga druga.
Si Concepcion maoy gitudlong suspek sa pagpanulis sa Pietro Gelato House of Italian Ice Cream sa Koronadal City.
Nasayran nga kuha sa CCTV ang gihimong pagpanulis sa suspek sa maong establishemento iniadtong Domingo. Tungod niini positibong naila sa kapulisan ang suspek ug nasundan sa Sitio Montaño, Barangay Naci, Surallah.
Atol sa operasyon nakuhaan ang suspek ug illegal drugs paraphernalia, (1) ka tablet, mga ATM cards, (1) ka set sa PNP uniform, pusil, Granada ug gituohang shabu. Sa karon balhog na sa silda sa kapulisan ang suspek ug kasamtangan na karong gihikay ang kaso batok sa nahisgutan.
