General Santos City—Samdan ang usa ka Jomer Manduan, 25 anyos, nga taga Nopol, Barangay Conel, Gensan human nadunggaban dihang iyang giuwang ang away sa duha ka mag ig-agaw sa ilang lugar.
Nasayran nga nag-inum ang biktima uban sa iyang mga amigo apan dihang nangahubog na nag-away matud pa ang duha niini ka amigong mg ig-agaw.
Gidunggab matud pa sa suspek ang iyang ig-agaw apan wala naigo sanglit ang biktimang si Manduan maoy naigo niini ug nakaangkon ug samad sa iyang bukton nga bahin.
Paspas nga misibat ang suspek human sa insidenti, samtang ang biktima daling gidala sad r. Jorge Royeca Hospital ug kasamtangan na karon nga nagpaalim sa iyang samad.
Facebook Comments
