Miyembro it Bureau of Fire Protection (BFP) Libertad, nagpaunga

17

Libertad,Antique — Maayos nga gin unga it sangka misis rong 7.25 pounds nga babayeng eapsag sa bulig ni FO2 Gil P. Filaro III kabii sa Brgy. Tinigbas, Libertad, Antique.
Sa post it Public Information Section kung BFP 6 nga kabii mga alas 9 rong oras nagreport rong sangka miyembro it MDRRMO- Libertad sa mga naka duty nga miyembro it BFP nga may unang sangka manug unga nga misis sa nasambit nga barangay.
Insigida nga nag responde rong mga taga BFP sa lugar ag naabutan rong sangka misis nga nagalingkod sa tricycle samtang naga hueat sa ambulansya para maghatod sa hospital sa Pandan samtang gina alalayan man raya it mga taga MDRRMO.
Samtang naga hueat it ambulansya hay gindaea eon lang anay ko mga taga BFP Libertad nga sanday FO2 Gil Filaro III, sangka registered nurse ag si FO2 Rolly Delos Santos sa opisina it Mdrrmo ro misis.
Sa sigidas nga pag assess hay nasayuran nga nagalabor eon ro nasambit nga misis ag makataliwan ro pilang minuto hay nag unga ro nasambit nga misis mga alas dyes eon ro gabii.
Bali raya rong ika limang unga ko nasambit nga misis.
Kung matandaan hay naging viral man si FO2 Fillaro ko dag-on 2016 bangud sa pagbulig man sa kaparehong sitwasyon.
Ginkilaea man imaw bilang Top Ten Outstanding Firefighter of the Philippines kung Rotary Club of Cubao Business Center ag ginpadunggan it Medalya ng Kadakilaan (Heroism Medal) it Bureau of Fire Protection National Headquarters ko 2017.
Ro BFP Libertad hay ginapangunahan ni SFO1 Ryan Vic Villaflor Jabile, Officer in Charge ag ro MDRRMO Libertad hay ginapangunahan man ni Mr. Robert G. Nicopior.

Facebook Comments

From Advertisers