General Santos City—- Sikop sa operatiba sa Polomolok PNP ang usa ka miyermbro sa Ansar Al Khilafa Philippines kon AKP.
Giila ni Police Supt. Samuel Cadungon, Hepe sa Polomolok PNP ang suspek nga si Aladdin Mamo, hamtong ang pangidaron nga residente sa Brgy. Lapu, Polomolok South Cotabato.
Sumala niya nga target sa operasyon ang magulang sa suspek nga si Russel Mamo nga adunay warrant apan ang suspek lang nga si Aladdin maoy naaktuhan.
Dugang pamahayag ni PSupt. Cadungon nga posibleng nakamatikod ang target nga adunay presensya sa kapulisan rason nga kini nakasibat.
Pagpaklaro niya nga konektado sa AKP ang mga nahisgutan gumikan sa mga ebidensyang narekober sa ilahang panimalay.
Sa kasamtangan, balhog na sa lock up cell sa Polomolok PNP ang suspek ug ginahikay na ang tukmang kaso.
