General Santos City— Nagpabilin sa kritikal nga kondisyon sulod sa usa ka pribadong balay tambalanan sa Gensan ang usa ka myembro sa BCCF nga una ng gipusil sa nakalabay nga adlaw.
Kini ang gibutyag ni Police Major Richard Ibanez, ang hepe sa Tambler Police Station. Sa kasamtangang ginapaabot nalang sa Tambler Police Station ang kabanay sa BCCF member nga si Alex Sampolna, 40 anyos, nga taga Purok Acharon, Brgy Tambler, ning dakbayan sa Gensan aron mupasaka og kaso batok sa suspek nga mipusil kaniya.
Kahibaluan nga una ng gipusil ang biktima sa suspetsadong si Kagi Musa taga Cotabato City nga kanhing amigo sa biktima gamit ang kalibre 45 nga armas dayon sibat sakay sa motorsiklo.
Kalabot niini ginatutukan na usab sa kapulisan ang motibong personal nga bangi human nga daan nang adunay bingkil ang biktima og ang suspek tungod gibastos matud pa sa suspek ang asawa sa biktima. Gipalawman na usab karon sa kapulisan ang pagsusi sa background sa suspetsado aron masayran kung unsa mga ang mga aktibadadis niini og nganong aduna kini gina-dala dalag pusil.(JB)
