Miyembro sa “Boy Negro” criminal gang nakuhaan og armas

25

Kumalarang, Zamboanga del Sur – Wala makalugnot sa kamot sa balaod ang usa ka 33-anyos nga lalaki nga miyembro sa Boy Negro Criminal Gang nga naglihok sa probinsya sa Zamboanga del Sur ug Zamboanga Sibugay human nadakpan sa otoridad didtong dapita sa Purok Alibangbang, Poblacion Kumalarang niiing probinsya alas 3:30 kagahapon sa hapon.
Malampuson nga nadakpan sa otoridad ang target nga si Samsoddin Maranao, taga-Sitio Sawa, Brgy. Poblacion, Kumalarang.
Gidakop si Maranao pinasikad sa Warrant of Arrest sa kasong “MURDER” ug duha ka Attempted murder nga pinirmahan ni Judge Romeo Tenorio Descallar, Regional Trial Court Branch 19, Pagadian City.
Nakuha usab gikan sa posisyon sa dinakpan ang calibre 45 nga pistola nga dunay unom ka buhing bala.
Ang dinakpan wala na tuguti sa korte nga makapyansa pa ug largong gipaslak sa Kumalarang MPS Detention Facility.

Facebook Comments