General Santos City—gireklamo ug pagpangawat ug pagpangharass sa tulo ka mga indibidwal ang usa ka miyembro sa Civil Security Unit (CSU) nga nakabase ning syudad.
Alas 11:00 ang takna sa buntag, sa nakalabayng adlaw dihang midangop sa buhatan sa Police Station 7silang si Arnel Dizon, legal age, negusyante, Wilfredo Acenas, legal age, ug Percida Espenido, legal age, pulos residenti sa Purok 16, Barangay Fatima ning dakbayan ang miyembro sa CSU nga si Sanny Abellanosa, 56 anyos, residenti samang lugar.
Subay sa reklamo sa tulo alas 4:00 ang takna sa hapon niadtong petsa 28, ning bulana dihang misulod ang suspetsadong CSU uban ang mga armadong lalaki dayon gipangkuha nag ilang mga appliances ug uban pang mapuslanong butang sulos sa ilang panimalay.
Nasayran nga ang luna nga gibarogan sa balay sa mga biktima sakop matud pa sa giilugang luna sa Purok 16. Pahayag sa mga biktima nga andam nilang atubangon unsa mang kompekto sa luna nga ilang giposisyonan apan dili nila madawat ang pagkuha sa ilang mga gamit sa nasangpit nga CSU.
