General Santos City— Dili isyu sa paglingkod ni Pampanga Rep. Gloria Arroyo ang gi-atubang karon sa ubos balay balauranan kundili kung kinsa ang mamahimong miyembro sa minorya.
Sumala kang South Cotabato 2nd District Cong. Dinand Hernandez nga sagad sa mga miyembro sa karon sa minorya ang buot magpabilin sa ilahang posisyonapan una na magtud pang nagdeklara ang liberal party nga buot nila nga sila ang mahimong minorya sa karon.
Samtang ang grupo sa makabayan block ug ang grupo ni Cong. Fariñas ang nagpadayag usab sa ilahang intensyon nga mahimong miyembro sa minorya.
Dugang pamahayag ni Cong. Hernandez nga sagad sa mga anaa sa minorya sa karon ang mibuto kang Cong. Arroyo aron nga mahimong bag-ong House Speaker.
Kung asa base sa ilahang resolusyon, ang tanang mibuto kang arroyo ang automatic nga mamahimong miyembro sa majority ug ang wala mibuto ang mamahimong miyembro sa minorya.
Sa karon matud pa ilaha na kining ginahisgutan aron nga maresolba kung kinsa gyud ang mamahimong miyembro sa minorya sa kongreso.
Lauman matud pa ang re-alingment sa kongreso human ang paglingkod ni cong. Arroyo ug adunay mga pososyon nga posibleng maapektuhan.
Apan gibutyag ni Cong. Hernandez nga sa karon, aduna matud pay gipatuman nga status qou si Cong. Arroyo pasabot nga magpabilin una silang tanan sa ilahang mga trabaho ug wala unay pag-ilis sa mga pwesto.
Kung asa sa kini ka maayong lakang aron nga dili ma-apektuhan ang ilahang mga nasugdan nga trabaho. (lore Romualdo)
