General Santos City—Mitahan sa iyang kaugalingon ang usa ka miyembro sa NPA nga itago lang sa pangalang Alias Eleses, 20 anyos nga taga Maasim Sarangani Province niadtong nakalabayng adlaw.
Mitahan ang nasampit sa mga opisyal sa Sitio Datal Basak, Barangay Kablacan, Maasim. Bitbit sa nasampit ang iyang kalibre 38 nga armas ingon man usa ka Granada.
Subay sa pakighinabi sa Maasim PNP ngadto sa nasampit, gibutyag niini nga dili na niya maagwanta ang tumang kakapoy ug gutom samtang anaa nagtaguan sa kabukiran.
Nahadlok usab kining mamatay sa engkwentro tali sa ilang grupo ug sa militar ug labaw sa tanan siya dismayado human nga wala matud pa gituman sa mga kadagkuan sa walhong pundok ang ilang saad nga sila hatagan ug sweldo ug mga binipisyo samtang sila anaa sa kalihukan.
Sa karon ginavalidate pa sa kapulisan ug sa militar kung tinuod ba gyud nga miyembro sa NPA ang nasampit ug kung makumperma hatagan ug ayuda ang nasampit pinaagi sa Enhance Comprehensive Local Integration program (E-CLIP) nga programa sa gobyerno alang sa mga mitahan nga miyambro sa NPA.
