Patay ang isa ka miyembro sang local terrorist group sa ginpatigayon nga buy-bust operation sang gintingob nga pwersa sang Polomolok MPS, SCPMFC-SCPPO kag 10th SF Intelligence Operative sang 5th SF Battalion sa koordinasyon sang PDEA 12 sa Purok Pag-Asa, Brgy Lumakil, Polomolok, South Cotabato, alas 03:10 sang hapon, kahapon nga adlaw, Disyembre 10, 2020.
Ginkilala ang suspek kay Mohalidin Marot alias Alimudin Marot, yara sa legal nga pang-edaron, tricycle driver kag residente sang Brgy. Lumakil, Polomolok, South Cotabato.
Suno pa sang namutikan sang suspek nga ang nakatransaksyon ang isa ka polis ginbunot sini ang pusil sa iya hawak kag gintiro ang police poseur buyer samtang papalagyo sakay sa ginamaneho nga tricycle rason nga nagbalos man ang operating team.
May-angot sini, nakaangkon sang gunshot wounds ang suspek kag gilayon nga gindala sa Polomolok Municipal Hospital, apang gindeklarar ini nga dead on arrival sang attending physician.
Nakuha naman sa lugar sang operasyon ang isa ka unit sang ginapatihan kalibre 45 nga armas luthang nga kargado sang 3 ka bala, 1 ka live ammo sang caliber .45 chamber loaded, sling bag, 3 ka FCC’s sang 9mm, 2 ka FCC’s sang cal. 45, isa ka unit sang Kawasaki Bajaj, P500.00 buy-bust Money, 4 ka heat sealed transparent plastic cellophane sang suspected “shabu”.
May kabug-aton naman nga 1 ka gramo ang nakuha nga shabu lakip na ang buy-bust item kag nagakantidad sangP6, 860.00 .
Samtang ang nasambit nga suspek suno pa ang myembro sang Daulah Islamiyah-SOCSARGEN Khatiba kag ginakabig nga spotter sang nasambit nga local terrorist group nga nagamonitor sa deployment sang PNP personnel kag AFP.
