Nagsurender isa ka miyembro sang Platoon West, SpRC MUSA (GF 73) sang New People Army ukon NPA nga nagaoperate sa T’boli kag Lake Sebu, South Cotabato sa 11th Special Forces Company (Riverine) (11SFC(R)), 5th Special Forces Battalion (5SFBn) kag Mayor, Dibu S. Tuan sa barangay Edwards, Tboli, South Cotabato
Dala naman sini sa pagsurender ang isa ka US M1 Cal.30 Carbine (folding stock) rifle nga may isa ka magazine kag tatlo ka rounds of cartridge Cal.30 ammunition.
Suno kay Alias Kat-kat nagdesisyon siya nga magsurender matapos nga wala man suno pa nagtupa ang promisa sa iya sang terorista nga grupo nga maayo nga kabuhi sa iya nga pamilya.
Pahayag naman ni T`boli Mayor Dibu S. Tuan ang pagsurender ni alias Kat-kat ang resulta sang implementasyon sang LTF-ELCAC serbisyo caravans kag pagdul-ong sang basic services sa conflict-affected areas sa banwa.
Hangkat niya naman sa iban pa nga miyembro sang NPA Terrorist nga magsurender na para sa katawhayan kag mag-umwad pa ang banwa.
May-angot sini, naghatag sang P10, 000 immediate assistance ang akalde kag duha kasako nga bugas kay alias Kat-Kat.
Samtang i-enrol man ang surrenderee sa Enhanced Comprehensive Local Integration Program (E-CLIP) sa South Cotabato nga magapaidalom sa profiling kag validation agud makabaton sang firearms remuneration, livelihood assistance, deradicalization programs kag iban pa nga benepisyo para sa pagpangabuhi sang matawhay.
Ginsiguro naman sang pamunuan sang 5th Special Forces Battalion ang padayon nga pagbulig sa LGUs halin sa provincial padulong sa barangay level agud nga malab-ot ang mga luyag pa nga magsurender.
Gindayaw man sini ang mga banwa kag probinsya sang South Cotabato sa epektibo nga implementasyon sang plano, programa kag aktibidad sang NTF-ELCAC.
