12 ka mga katapo sang Metro Manila Development Authority ukon MMDA ang maga-abot sa siyudad sang Iloilo sa bulan sang Agosto agud tun-an ang dalagan sang trapiko.
Suno kay Mayor Jerry Trenas nga iya ginhingyo sa MMDA nga buligan ang siyudad sang Iloilo sa pagpatuman sang traffic development plan agud mapaayo ang dalagan sang trapiko sa siyudad.
Duha ka semana nga magapabilin ang MMDA personnel agud lantawon ang sitwasyon sang trapiko kag maghimo sang mga rekomendasyon kon paano magmag-an ang dalagan sang trapiko.
Ginhatagan pagtamod ni Trenas nga may malapad na nga dalan ang siyudad sang Iloilo apang tuman naman ka delikado sa mga pumuluyo bisan pa sa pedestrian lane.
Facebook Comments
