MNLF INTEL OFFICER ARESTAO BHONG SIMBAJON
Un alegao intelligence officer del Moro National Liberation Front (MNLF) – Misuari faction el ya aresta el PNP Public Safety Company 9 na vicinidad del NS Valderosa Street aqui na ciudad de Zamboanga anti-ayer.
Asegun na report del Police Station 11, con Mardan Pagdanganan, 38,casao y residente de Barangay Sangali ya fuede columbra adentro del RA Color Printing Shop donde conele ya aguanta el otoridad.
Durante el interigaccion,ya fuede recuvri na posesyon de Pagdanganan el mga identification cards del Masa Masid, MNLF Monitoring Team Mindanao con designaccion como Chief Intelligence Officer, Zamboanga City area, Bangsamoro Republic con el firma del MNLF Founder Nur P. Misuari.
Con Pagdanganan ya invita na Presinto 11 por el propio imbestigasyon. -Bhong Simbajon/RMN News
