Davao City- Kun ako si Vice-Mayor Paolo Duterte, akong ipakita sa katawhan ug sa nasud ang gi-tripingan karon ug maayo ni Sen. Antonio Trillanes IV sa likod nga bahin sa akong lawas.
Apan sa usaka kritikal ug patas lamang nga kondisyon: Ipakita tingali usa niya ang giingong balido ug lehitimong dokumento gikan sa US Drug Enforcement Agency nga ako miyembro gayud sa Chinese criminal syndicate nga Hongkong Triad.
Nganong ipasa man niya kanako pananglitan ang gitawag nga ‘burden of proof’?
Sa akong diyutay’ng na-estudyuhan sa kolehiyo sa kursong Political Science sa subject nga Argumentation and Debate 101, ang nag-alegar angay magpakita ug pruweba kun ebidensya kun ‘the burden of proof rests upon the one who alleges.’
Wala man tingali kini mausab nga prinsipyo kun pagpanudlo hangtud karon, tama ba ko?
Patas lamang nga ipakita usa ni Trillanes ang iyang gitawag nga A1 foreign intelligence report nga duly authenticated ug validated haron dili siya maakusahan nga nilusad lamang sa gitawag nga ‘political witch hunt, political fishing expedition in aid of blackmail and grandstanding.’
And balaud nagtagana nga ang usaka tawo ‘presumed innocent until otherwise proven guilty by a competent court of law or justice’ ug nga ang Senado dili ug dili gayud mamahimong hustong forum kun nataran alang sa maong katuyuan.
Kasamang June Duterte
