Sa interview sa DXDC RMN Davao kang Ling Parcasio, tigpamaba sa Moro National Liberation Front Davao City Revolutionary Comittee gibutyag niya, 57 na ka tuig ang pakigbisog sa ilang grupo sa pagpangulo ni Founding Chairman Nur Misuari, busa siya nagpahimangno sa mga kaigsuonang Moro nga ipadayon ang ilang tinguha ug baruganan sa kalinaw.
Gipasabot ni Parcasio, dili hikalimtan ang mga nahimong martyr ug bayani kaniadto nga nagsakripisyo ingun man mga modernong hero sa kasamtangang henerasyon.
Dugang pa niya, kanunay pagahinumduman ang giya sa kalinaw sa MNLF ug sa panggamhanan, mao ang 1996 Peace Agreement nga mao ang sumbahan sa pagpatuman sa kahapsay ug kalinaw.
Gipasabot niya, ang maong sumbanan usa ka balaan alang sa tanan, aron mas magpuyo nga malambuon ug malinawon nga komunidad.
RadyoMaN Bien Abanos
