Dao, Capiz- Isa ka memorandum of agreement ang ginpirmahan sa tunga sang provincial government kag lokal nga pangulohan sang banwa sang Dao may kaangut sa donasyon sang lote nga sadto amu ang nahamtangan sang Dao District Hospital.
Ginkumpirmar ni Governor Tony del Rosario, nga ini ang patindugan sang TESDA building kun sa diin iga-offer ang mga vocational courses para sa mga skilled workers kag mga out-of-school youth.
Suno diri, indi lamang ang mga taga-Dao ang sarang nga manginpulos sini kundi ang mga interesado nga mag-eskwela sa vocational kag short term courses sang TESDA.
Suno sa gobernador, may ara sang mga kondisyones kadungan sang donasyon kun sa diin pwede nga mabawi sang probinsya ang amu nga lote kun mapaslawan ang LGU nga masunod ang nakabutang sa memorandum of agreement ukon MOA.
