iFM Laoag – Naisayangkat ti pannakapirma ti Memorandum of Agreement (MOA) iti nagbedngan ti Department of Agrarian Reform – Ilocos Norte ken dagiti agrarian reform beneficiaries organizations a makaawat ti hauler truck manipud iti DAR.
Dagiti agbalin a recipient ket ti Catangraran Agrarian Reform Cooperative ti Solsona; Tambidao Multipurpose Cooperative ti Bacarra; Namnama ARBs Multipurpose Cooperative ti Piddig; ken Catuguing Multipurpose Cooperative ti San Nicolas.
Dagiti hauling truck ket paset ti Block Farming Project iti babaen ti Climate Resilient Farm Productivity Support Project (CRFPSP) ti DAR.
Ti kada truck ket agbalor ti nasurok nga P1.1 million, ken pormal a maiyawat dagitoy kadagiti nasao a kooperatiba inton umay a lawas.
Sakbay ti pannakapirma ti MOA, inlawlawag ni Chief Agrarian Reform Program Officer Teresita T. Acang dagiti obligasion dagiti agbalin a recipient iti pannakausar ken pannakataripato dagiti truck.
Mangnamnama met ni Provincial Agrarian Reform Program Officer II Vic M. Ines a babaen kadagitoy a hauling truck ket lalo pay a rumang-ay dagiti umawat nga agrarian reform beneficiaries organizations. [Detalye manipud ken ni Jorge Guerrero]
Bernard Ver, RMN News
