> LOOK! Memorandum of Agreement tali sa gobyerno sa Surigao del Norte ug Southern Phils. Medical Center tagtakda pirmahan. Ini agig pagpalambo sa serbisyo sa maayong panglawas. Nahidangat diri sa SDN si Dr. Ma. Elinore Alba-Concha, an Chief Training Center sa SPMC ug mga kaibanan para sa pagpinirmahay sa kasabutan kaiban si Gov. Sol Matugas. Isa sa suyod sa MOA an paggahin nan P8 milyones sa habig sa gobyerno nan SDN para sa mga pasyente na i-refer ngadto sa SPMC lakip an pasalig nan kadagkuan sa hospital sa Davao City para dugang training sa mga doktor, lakip isab na motabang para maangkon an Level 2 sa SDN Provl. Hospital, pagpalapad sa programa sa eye care, dialysis ug iban pa. An MOA kaiban an SPMC ikaduha na kasabutan na tagsudlan nan SDN, una sa Vicente Sotto Memorial Hospital para sa mga pasyente gikan Siargao na pareho an tumong sa paghatag kalidad na serbisyong medikal para sa mga Surigaonon. Notambong sa okasyon si DOH Asst. Regional Director Dr. Gerna Manatad na tagkilaya ug tagsuportahan an amo na MOA. An pormal na pagpinirmahay an tagtakda himoon silom adlawa sa Provl. Convention Center, una na taghimo kuman an isa ka Press Conference kabahin sa programa. > > > > >
