(Butuan City PIO) Gisugdan na ang Mobile Vaccination sa mga lagyong Barangay sa Butuan City sa Pagtambayayong sa LGU Butuan Pinaagi sa City Health Office ug DOH
Kini sa tumong nga mabakunahan ang mga Senior Citizens lakip na sab mga bedridden nga maglisud na sa pagbyahe ug dili makalugsong sa syudad. Admitado ang mga katigulangan nga mahadluk sab sila muadto sa mga vaccination post tungod sa kadaghan sa tao.
Sa pagkakaron, duna pay 8,000 nga mga Senior Citizen sa Butuan ang wala pa nabakunahan sumala sa DOH. Gitarget nilang matag adlaw duha ka barangay ang ilang mabisitahan ug daghan ang mabakunahang mga Senior Citizen.
Una ng naserbisyuhan ang Barangay Nongnong, Bitan-agan ug Barangay Bit-os sukad kagahapon. Mapasalamaton ang mga Senior Citizen ug mga opisyal sa Barangay sa Lokal nga Panggamhanan sa Butuan pinaagi sa City Health Office ug DOH tungod sa pagpaduol sa serbisyo sa pagpamakuna batok Covid-19.
