Nagkasangka ang grupo sa Caliber 40 Club ug Bambi Sports Club atol sa invitational game sa Caliber 40 3rd Inter Ballclub Basketball League.
Kini gihimo niadtong Sabado, Hulyo 21 ning tuiga sa Barangay Lapasan Gymnasium ning syudad sa Cagayan de Oro.
Ang Caliber 40 Club gipangulohan ni Police Supt. Henry Cay-as.
Matud ni Cay-as nga tumong sa kalihukan nga mahatagan ug kahigayunan ang mga basketball enthusiast nga nag edad 40-anyos pataas, kinsa wala nay panahon nga maka pagpaugnat sa kusog.
Gidugang ni Cay-as nga tumong usab niini nga mamahimo silang modelo sa mga kabataan ug kabatan-onan.
Samtang si Board Member Gerardo “Buboy” Sabal III usab ang nangulo sa Bambi Sports Club ug Provincial Disaster Risk Reduction Office (PDRRMO) head Fernando “Sotsot” Dy, Jr.
Kauban nila ang mga piniling mga kawani sa kapitolyo probinsyal nga malipayong nakigsangka sa Caliber 40 Club.
Nisaksi usab sa dula si Barangay Lapasan Chairman Julito Ogsimer ug Atty. Robert Lou Elango, Regional Assistant Director sa National Police Commission Region 10.
