MODIFIEDGENERAL COMMUNITY QUARANTINE SA GENSAN, MULUNGTAD HANGTUD SA MAYO 31

*General Santos City— Magpabilin gihapon ang mga ginapatuman sa dakbayan nga mga protocols ilalom sa Modified General Community Quarantine nga magsugod sa Mayo 16 human gibutang isip low risk area ang tibuok rehiyon 12.*

*Sumala ni Gensan City Mayor Ronnel Rivera nga anaa gihapon ang regional lockdown nga mulungtad hangtud sa Hulyo 31 subay sa naunang naaprubahan sa NationalI-agency Task Force on Covid-19 apan magadepende gihapon kini sa sitwasyon kung i-extend pa o kung sayo nga tanggalon.*

*Magpabilin gihapon ang ginapatuman nga clustering, ang odd-even scheme tumong niini aron nga malimitahan ang mga tawo sa usa ka lugar, gani hinayhinay na usab nga miBalik ang ekonomiya sa dakbayan.*


*Dugang pamahayag ni Mayor Rivera nga sa karon ilahang ginakonsidera ang pagluag sa market day ingon man ang border para sa South Cotabato ug Sarangani.*

*Lauman matud pa ang gamay nga kabag-uhan sa mga gina-implementar sa Executive Order Number 29 kung asa gipaniguro niiini nga dili gihapon mag-kumpyansa ang dakbayan.*

*Gihingusgan sa Mayor nga magpabiling hugot ang border sa rehiyon hilabina ang Gensan gumikan aduna pay natala nga mga local transmission sa kasikbit nga lugar sama sa Davao region. *

*Kalabot niini, gibutyag sa Mayor nga dili gihapon tugutan ang mga depampasaheruan nga bus o van nga musulod sa rehiyon subay sa naaprubahan sa Regional Inter- Agency Task Force kon RIATF.*

*Samtang ang mga bus ug van nga naga-byahe sulod sa rehiyon padulong ug pabalik sa south cotabato, gensan ug sarangani dili pa usab tugutan kung asa wala pausab guidelines nga gipagawas ang IATF sa dakbayan bahin niini.*

*Kini matud pa ang gikatakda pang hisgutan sa musunod nga adlaw gumikan sa Mayo 16 pa man mahimong epektibo ang Modified General Community Quarantine sa rehiyon 12.*

Facebook Comments