*General Santos City— Giklaro karon ni Deped 12 Director Allan Farnazo nga natapos na ang enrollment sa mga estudyante sa pampublikong tunghaan pinaagi sa early registration milabay’ng bulan sa Enero.*
*Ang enrollment matud pa nga mahitabo sa Hunyo 1 ngadto na sa 30 mao ang para sa mga transferee, returning student ug mga special children.*
*Ang himuon nlang matud pa karon sa mga estudyante mao ang pagsuta kung asa nga modality ang ilahang sudlan aron nga makatuon ug dili mabiyaan sa mga leksyon.*
*Dugang pamahayag ni Director Farnazo nga subay sa school calendar sa Abril 30 matapos ang klase bisan pa man ug sa Agosto 24 kini magsugod.*
*Apan maga-depende lang gihapon kini sa sitwasyon hilabina kung aduna nay mugawas nga tambal sa Covid-19 gumikan hangtud nga walay vaccine sa covid, dili gihapon mamahimo nga makabalik sa normal.*
*Samtang giklaro niya nga pwede gihapon nga makapahigayon ug physical pagtudlo apan adunay mga dapat ikonsidera sama sa panglawas sa estudyante ug sa magtutudlo ingon man ang lugar sa eskwelahan.*
