![module-2.jpg](https://i0.wp.com/rmn.ph/wp-content/uploads/2020/10/module-2-1-scaled.jpg?resize=696%2C464&ssl=1)
Davao City – Kadtong estudyante ug parents kinsa buot nga magpadayon sa modular learning modality angay dili pugngan apan kadtong gibati’g tumang kalisud niini dili usab nato angay pugson.
Matud ni Davao City First District Councilor Pilar Braga chairperson sa Sanggunian Committee on Education, angay walay compulsion kun pagpamugos diha sa choice sa klase sa pag-estudyo ilawom sa gitawag karon nga Blended Learning mode.
Matud ni Braga, kinsa usaka iladong Davao educator ug usaka kanhi university dean sa Rizal Memorial Colleges (RMC), gikinahanglan dinhi ang sakprisyo ilabi na sa bahin sa mga ginikanan, gikinahanglang dili pasagdan ang ilang mga anak ingon man kanunay’ng giyahan tungod kay labing unang higayon kini nga matang sa pagtoon tungod sa pandemic situation karon.
Hinoon gipasabot ni Braga nga kung dili na gyud makaya ilabi na sa bata, dili lamang gayud kini pugson aron dili ma-depress, mo-undang sa pagtoon ug ang worst-case scenario nga pag-komitir sa suicides.
RadyoMan Bernard Pantallon